السلام عليكم و رحمة الله وبركااته
غريبة ياصاحبي كيف تطلبني أسامح
و انت اللي عدمت فيني نفس بريه
غريبـة و انـا دمعـي ع الخديـن طايـح
ماتبي تنطق و تعترف لي بالخطيه
تريـد انــي أبتدي و أنطــق و أصالـح
تريدني أقول شو عندك من سويـه
لا حشــى لا تحلم ابد اني بصالــــح
قلبي غدا حجر بس أقسى شويه
جرحتني يا صاحبـي بفــعل جـــارح
ما يبريـهـ دكتـور ولا دوا صيدلــيه
و يامــا انـا لــك يامـا كــنت نــاصــح
و ياما علشانك انا طحت بالخطيه
كنت انــا انصحـك وانا يـاي و رايــح
بس جازيتني للاسف شر الجزيه
نطقت و تكلمت عني كـلام طالــح
دون مراعاة جروحن فيني خفيه
قلت وقلت ومن عينك صرت طايح
و انا اللي ودي لك اكون الحميه
هــاذي يـــزاة من هــو لك ناصــح
ترد له الدين مع جـروح قويـــه
كنـت بدنيتـي حلــو و صرت مالـح
و بتبقى مالــح لو عدت التنقيه
لأني خـلاص عيزت وانـا اسامــح
و خلاص ابعد ولا تعيد الترجيه
و لأني اكتشفت انه الدنيا مصالح
و صرت فيها انا اكــبر ضحيـه
انا روحي و عقلي يبون النصايـح
ونصيحتي خلكم خارج التغطيه
و قلبـي انا انهــار و صـار طايــح
و مابيرده الكلام و لا دفع ديه
صحيــــح انهـ الامر واللهـ جــارح
بس بواجهه بروح ونفس رضيه
ياللهـ انا برحـــل و الرب يسامــح
و عساك تعيش ايام دوني هنيه
موضوع: *xXx كــيف تطلبنــي أسامــح xXx* 
الجمعة مارس 14, 2008 10:54 am
